حبيبي جيت ابشكيلك اخذ عمـري وريحنـي

حبيبي جيت ابشكيلك اخذ عمـري وريحنـي ..

.. ابحكيلك عن اوضاعي وابيك اليوم تسمعهـا ..

.. ابي من وقتك الغالي ولو لحظـه وتسمعنـي ..

.. انا جيتك بعد ما ضاقت الدنيـا مـن اربعهـا ..

.. جلسـت البـارح ألحالـي لأنـك ماتكلمنـي ..

.. واشوف اهموم هالعالم تجي عندي واجمعهـا ..

.. حبيبي اعتذر مره وقول ارجـوك سامحنـي ..

.. وانا مثلك بعـد اسـف وهالزعلـه نضيعهـا ..

.. ترى مالي احد غيرك اذا انـت بتخاصمنـي ..

.. تطيح الدمعه من عيني ويجري غصب مدمعها ..

.. طلبتك لملم اشواقي كفـا البـارح تبعثرنـي ..

.. قسم بالله بس تزعل احس الـروح اودعهـا ..

.. حرام العمر يسرقنا حبيبي ارجـوك تفهمنـي ..

.. تعب صوتي اناديلك ابـي روحـي ترجعهـا ..

.. دخيـل اعيونـك الحلـوه تبسـم لا تجننـي ..

.. ترى روحي من البارح وهي تنقل مواجعهـا ..

.. زعلت وجيت ابشكيلك بعد عمري تصدقنـي ..

.. كرهت الارض فغيابك مـن اولهـا لسابعهـا ..

.. بعد هالعمر والعشره حبيبـي ليـه تسألنـي ..

.. احبك ؟ ايه احبك .. وخل النـاس تسمعهـا

صح الله لسانك
وماقصرتي
وشعرك حلو مررررررررررررررررره
واتمني الجديد انشاء الله
تحياتي

مشكوره على المرور
يغطيك العافيه
تحياتي