على كثر الجروح اللي بـ قلبي ما علي خلاف
مدام اني على دينك و اشوف انّك على ديني
مدام قلوبنا شـفقا وصاروا بالهوى ميلاف
دخيـلك لاتخـلـني دخـيلك لاتخــليـني
تعال وضــمني لحـظة وعـانق قلبي الخواف
تعال وصافح الذكرى ترى قـربك يـداويني
انا لوعشــت هالـدنيا بدونك كـلها تنعاف
بدونك فــرحتـي بكــره تغــيب ولا تخاويني
تغـيب ولا تلاقـيني ويبــقى للغلا مجداف
يـتوه بـمـوج فــرقانا ولكـنه يناديني
يقول الشوق معي باقي يرددها على ميهاف
دخـيلك بالوصــل تكفـى دخـيلك لا تعنيني
على كثر الجروح اللي بـ قلبي ماعلي خلاف
مدام الشــوق من طــبعك وحبك ساكن فيني
موضوع: إلى من ملكة قلبي بهواها 
الثلاثاء فبراير 19, 2008 4:10 am
